Oromo 1 – 25

Seera Uumamaa 1

Jalqabarratti, Waaqayyo samii fi lafa uume. Yeroo sanatti dukkana qofatu ture. Hangayeroo sanaatti wanti gaarii ta’ee fi tartiiba qabate hin turre , Kanaaf Waaqayyo dubbiitokko dubbachuudhaan waan hundumaa gaarii fi sirna qabeessa taasise. Waaqayyoaduu, ji’aa fi urjii uume. Haala kanaan halkanii fi guyyaa hojjete.

ዓለም በመጀመሪያ በሥርዓት የተቀመጠች አልነበረችም።

ዘፍጥረት 3፥1-24

እግዚአብሔር አዳም እና ሔዋን ባደረጉት ነገር በጣም አዘነ። በዚህ ምክንያት ቀጣቸው። ቆንጆ ከሆነችውም ገነት አባረራቸው። እግዚአብሔርን ስላልታዘዙ፥ ከእርሱ ተለይተው አስቸጋሪ ኑሮ መኖር ጀመሩ። እግዚአብሔር ግን ስለሚወዳቸው በቅጣቱ አልተደሰተም። ስለዚህ ወደፊት መልካም ሕይወትን ለሰዎች እንደገና ሊመልስ አቀደ።

አዳም እና ሔዋን ከገነት ከወጡ በኋላ፥ ኑሮ አስቸጋሪ ሲሆንባቸው

ዘፍጥረት 4

አዳም እና ሔዋን ልጆች ወለዱ። ስማቸውም ቃየን እና አቤል ተባለ። አቤል ለእግዚአብሔር ስጦታ ሰጠ። (መልካም ሰውም ስለነበር፥) እግዚአብሔርም ስጦታውን በደስታ ተቀበለ።

ወንድሙም ቃየን ለእግዚአብሔር ስጦታ ሰጠ። እግዚአብሔር ግን ስጦታውን አልተቀበለም፥ ምክንያቱም ቃየን ታዛዥ ልጅ አልነበረም።

እግዚአብሔር ስጦታውን ስላልተቀበለው፥ ቃየን በጣም ተናደደ። ቃየን እግዚአብሔር የሚለውን ቢሰማ ኖሮ፥ የእርሱንም ስጦታ ይቀበለው ነበር። እርሱ ግን እግዚአብሔርን አልሰማም። በመጨረሻም ወንድሙ አቤልን ገደለ። ቃየን ያደረገው ነገር በጣም መጥፎ ነበር። ከዚህ የተነሳ እግዚአብሔር ቀጣው። ነገር ግን እግዚአብሔር የምሕረት አምላክ ስለሆነ፥ ማንም እንደማይገድለው ቃል ገባለት።

አዳም እና ሔዋን ተጨማሪ ሌሎች ልጆችን ወለዱ።

ቃየን ስላልታዘዘ፥ ክፉ ስራ ሲሰራ

ዘፍጥረት 7

ሰዎች በዓለም ላይ እየበዙ መሄድ ጀመሩ። ዓለምም በብዙ ክፉ አስተሳሰቦች እና በመጥፎ ስራዎች ተሞላች። እግዚአብሔር በዚህ ሁሉ ነገር በጣም አዘነ። እንደዚህ ዐይነት ብዙ መጥፎ ነገሮችን ከእንግዲህ ማየት አልፈለገም።

እግዚአብሔርም በሰዎች መካከል አንድ መልካም ሰው አገኘ። ያም ሰው ኖኅ ይባል ነበር። እግዚአብሔርም ኖኅን “ይህንን ዓለም እና ክፉ ሰዎችን በውሃ ስለማጠፋ፥ ለአንተ እና ለቤተስቦችህ መርከብ ስራ!” አለው። እግዚአብሔር ለኖኅ መርከቧን እንዴት መስራት እንዳለበት ነገረው። ኖኅ እግዚአብሔር እንዳለው መርከቧን ሰራ። ከዚያም በኋላ እግዚአብሔር ለኖኅ ከእያንዳንዱ የእንስሳት ዐይነት ወደ መርከቧ እንዲያስገባ አዘዘው። ደግሞም ለሁሉ የሚበሉትን ምግብ እንዲያስገባላቸው ተናገረው። ከዚያም በኋላ ኖኅ እና ቤተሰቡ እንሰሳቱም ወደ መርከቧ ውስጥ ገቡ። ወዲያውም የጥፋት ውሃ መጣ። እግዚአብሔር ግን ኖኅን እና ቤተሰቡን ከጥፋት አዳነ።

የተለያዩ እንስሳት ወደ መርከቧ ሲገቡ

ዘፍጥረት 8-9

የጥፋትም ውሃ ምድርን ለብዙ ወራት ሸፈነ። በዓለም ላይ የነበሩ ፍጥረታትን በሙሉ አጠፋቸው። ኖኅ እና ቤተሰቡ እንዲሁም ከእነርሱ ጋር በመርከቧ ውስጥ የነበሩ እንስሳት ብቻ ከጥፋት ዳኑ።

ከመሬት ላይ ውሃው ከደረቀ በኋላ፥ ሁሉም ከመርከቧ ውስጥ ወጡ። ከዚህም በኋላ ኖኅ እግዚአብሔርን አመሰገነ።

እግዚአብሔርም ኖኅን እና ልጆቹን ባረካቸው። እንዲሁም በዓለም እንደገና እንዲባዙ ተናገራቸው። ሁለተኛ እንደዚህ ዐይነት የጥፋት ውሃ ልኮ ምድርን እንደማያጠፋም ቃል ኪዳን ገባላቸው። እግዚአብሔርም ለዚህ የቃል ኪዳን ምልክት እንዲሆን ቀስተ ደመናን በሰማይ ላይ አደረገ። አሁንም ይህን ምልክት አንዳንድ ጊዜ በሰማይ ላይ ይታያል።

ኖኅ እና ቤተሰቡ እግዚአብሔርን ሲያመልኩ

ዘፍጥረት 10-11

ከብዙ ዓመታት በኋላ ሰዎች በዓለም ላይ እንደገና እየበዙ ሄዱ። በዚህ ጊዜ ሰዎች ሁሉ አንድ ዐይነት ቋንቋ ይናገሩ ነበር። እነርሱም “ሁላችንም በዚህ አካባቢ እንኑር፥ ትልቅ ከተማ እና ወደ ሰማይ የሚደርስ ግንብ እንስራ” ተባባሉ። ይህ አስተሳሰባቸው ጥሩ ስላልነበረ፥ እግዚአብሔር አልወደደውም። ስለዚህ የተለያዩ ቋንቋዎችን እንዲናገሩ አደረጋቸው። ከዚህም የተነሳ እርስ በእርሳቸው መግባባት ስላልቻሉ፥ የጀመሩትን ስራ አቆሙ። በዚህ መንገድ እግዚአብሔር በዓለም ሁሉ በተናቸው።

ሰዎች የተለያዩ ቋንቋዎች መናገር ከጀመሩ በኋላ፥ ግንቡን መስራት ሲያቆሙ

ዘፍጥረት 12

አብራም በትውልድ ሀገሩ ከቤተስቦቹ ጋር ይኖር ነበር። አንድ ቀንም እግዚአብሔር “እባርክሃለሁ፥ ታላቅ ሕዝብ አደርግሃለሁ እና እኔ ወደምልህ ወደ ሩቅ አገር ሂድ!” ብሎ ተናገረው። ስለዚህ አብራም እግዚአብሔር እንዳለው ከሚስቱ ከሦራ እና ከአጎቱ ልጅ ከሎጥ ጋር ያለውን ንብረት ይዞ ሄደ። ከብዙ ጉዞ በኋላ ከነዓን በምትባል ሀገር ደረሱ። እግዚአብሔርም አብራምን “ይህንን ሀገር ለወደፊት ለዘርህ እሰጣለሁ” ብሎ የተስፋ ቃል ሰጠው።

አብራም የትውልድ ሀገሩን ትቶ ሲሄድ

ዘፍጥረት 13

አብራም እና የወንድሙ ልጅ ሎጥ ብዙ እንስሳት ነበራቸው። ለእንስሳቶቻቸው ሁሉ ግን በቂ ምግብ አልነበረም። በዚህም ምክንያት እረኞቻቸው መጣላት ጀመሩ። ስለዚህ አብራም ሎጥን “እኛ ዘመዳሞች ስለሆንን፥ መጣላት እና መጨቃጨቅ የለብንም! የምትፈልግውን ቦታ መርጠህ በተለያዩ ቦታዎች እንኑር” ብሎ ምርጫ ሰጠው። ሎጥም በዮርዳኖስ ወንዝ አጠገብ ያለውን ለምለም እና አረንጓዴ ስፍራ መርጦ ሄደ። አጎቱ አብራም ግን በደረቅ አካባቢ ኖረ። ሆኖም ግን እግዚአብሔር ሎጥን ሳይሆን፥ አብራምን በጣም ባረከው።

የአብራም የወንድም ልጅ ሎጥ ለምለሙን መሬት ሲመርጥ

ዘፍጥረት 15

አንድ ቀን እግዚአብሔር አብራምን እንደገና አበረታታው። አብራም ግን ለእግዚአብሔር እስካሁን ድረስ ልጅ መውለድ እንዳልቻለ ተናገረ። አብራም እና ሦራ በጣም አርጅተው ነበር። እግዚአብሔር ለአብራም ከዋክብትን አሳይቶ “ዘርህን እንደዚህ ከዋክብት ብዙ አደርገዋለሁ” በማለት ተስፋ ሰጠው።

አብራም ልጅ ባይኖረውም እግዚአብሔር የተናገረውን ቃል አመነ። በአብራምም እምነት እግዚአብሔር ተደሰተ።

እግዚአብሔር በተጨማሪ የሚኖርበትን ሀገር ለወደፊት ለዘሩ እንደሚሰጥ ቃል ገባለት።

እግዚአብሔር ለአብራም ዘሩ እንደ ከዋክብት እንደሚበዛ ሲናገረው

ዘፍጥረት 16

ሦራ ለብዙ ዓመት ልጅ መውለድ አትችልም ነበር። በዚህም ምክንያት በጣም ታዝን ነበር። አንድ ቀን ሦራ አጋር የተባለች የቤት ሰራተኛዋን ለአብራም ሚስት እንድትሆነው መከረችው። አብራምም እሺ በማለት አጋርን አገባት።

አጋር ልጅ ማርገዟን ስታውቅ፥ ሦራን መሳደብ ጀመረች። እግዚአብሔር ግን ለአጋር ሦራን ማሳዘን እንድትተው ተናገራት። አጋርም ለአብራም ወንድ ልጅ ወለደችለት። የልጁንም ስም እስማኤል አለችው። እግዚአብሔር ለአጋር የልጇ የእስማኤል ዘሮች እንደሚበዙ ተናገራት። በልጁ ምክንያት ግን በቤተሰብ መካከል ጭቅጭቅ ሆነ።

ከጥቂት ዓመታት በኋላ እግዚአብሔር ለአብራም እና ለሦራ፥ አብርሃም እና ሣራ በማለት አዲስ ስም አወጣላቸው።

ልጁ ምክንያት በቤተሰብ መካከል ጭቅጭቅ ሲሆን

ዘፍጥረት 18፥1-15

አንድ ቀን ሦስት ሰዎች አብርሃም በሚኖርበት ሀገር በኩል ይጓዙ ነበር። አብርሃም እነማን እንደሆኑ ገና አላወቀም ነበር። ቢሆንም፥ እርሱ እና ሚስቱ ሣራ ወደ ቤታቸው አስገብተው ጥሩ ምግብ አበሏቸው። ከሰዎቹ መካከል አንዱ ለአብርሃም “በሚቀጥለው ዓመት ሚስትህ ሣራ ወንድ ልጅ ትወልድልሃለች” አለው። ሣራም ይህን በሰማች ጊዜ ሳቀች። ምክንያቱም በጣም ስላረጀች ልጅ ለመውለድ እንደማትችል በማሰቧ ነበር። ሰውየውም ለአብርሃም “ሣራ ለምን ሳቀች? እግዚአብሔር የማይችለው ምንም ነገር የለም” አለው።

አብርሃም እና ሣራ ሦስቱን እንግዶች ሲጋብዙ፥ ሣራ ሰውየው የሚለውን ሰምታ ስትስቅ

ዘፍጥረት 18፥16–19፥30

ሦስቱ እንግዶች ሲሄዱ አብርሃም ሊሸኛቸው አብሯቸው ወጣ። ከሦስቱ አንዱ ግን እግዚአብሔር ነበር። እርሱም በሸለቆው ውስጥ ከሚገኙት ሀብታም ከተሞች አንዳንዶቹን ሊያጠፋ እንደሆነ ነገረው። ምክንያቱም በዚያ የሚኖሩ ሰዎች እግዚያብሔር የማይወደውን ብዙ መጥፎ ነገሮች እያደረጉ ነበር። ከእነዚህ ከተማዎች በአንዱ ሎጥ እና ቤተሰቡ ይኖሩ ነበር። አብርሃም በዚያ ቢያንስ 10 ጥሩ ሰዎች ከተገኙ፥ ከተማዎቹን እንዳያጠፋቸው እግዚአብሔርን ለመነ። እግዚአብሔርም በአብርሃም ልመና ተስማማ። ይሁን እንጂ በከተማዎቹ 10 ጥሩ ሰዎችን እንኳን አላገኘም ነበር። ስለዚህ ከተማዎቹን አጠፋቸው። ሆኖም ግን እግዚአብሔር ሎጥ እና ልጆቹን ከጥፋት አዳናቸው።

አብርሃም ክፉ ከተማዎችን በጥሩ ሰዎች ምክንያት እንዳያጠፋቸው እግዚአብሔርን ሲለምን

ዘፍጥረት 21

እግዚአብሔር እንደተናገረው ሣራ በዘጠና አመቷ ልጅ ወለደች። የአብርሃምም ዕድሜ መቶ ዓመት ነበር። ልጃቸውን ይስሐቅ ብለው ስም አወጡለት። የስሙ ትርጉም ሳቅ ማለት ነው። እግዚአብሔርም በይስሐቅ ምክንያት ሳቅ አደረገላቸው።

ይስሐቅ ከተወለደ በኋላ በቤተሰብ ውስጥ በእስማኤል ምክንያት ጭቅጭቁ ጨመረ። ከዚህ የተነሳ አጋር እና እስማኤል የነ አብርሃምን ቤት ለቀው ወደ ደረቅ ምድር ሄዱ። ሆኖም ግን በዚያ ቦታ እግዚአብሔር እስማኤልን ተንከባከበው።

አብርሃም ለብዙ ዓመታት ልጆች ባይኖረውም፥ እግዚአብሔር እንደተናገረው በመጨረሻ የብዙ ሕዝቦች አባት ሆነ።

አብርሃም እና ሣራ ከልጃቸው ከይስሐቅ ጋር

ዘፍጥረት 24-25

አብርሃም ከመሞቱ በፊት የቤቱን ዋና ሰራተኛ ጠርቶ ለይስሐቅ ሚስት እንዲፈልግለት አዘዘው። ስለዚህ ሰራተኛው ወደ አብርሃም የትውልድ ሀገር ተነስቶ ሄደ። እዚያም እግዚአብሔር ሰራተኛውን ርብቃ ወደምትባል ሴት መራው። እርሷም ይስሐቅን ለማግባት እንደምትፈልግ ስትጠየቅ፥ በጋብቻው ተስማማች። ስለዚህ ከአብርሃም ሰራተኛ ጋር ወደ ይስሐቅ ሄደች።

እዚያም ከደረሰች በኋላ፥ ይስሐቅ እና ርብቃ ተጋቡ። ርብቃ ግን ልጅ መውለድ አትችልም ነበር። በዚህ ምክንያት ይስሐቅ ልጅ እንዲሰጣቸው እግዚአብሔርን ለመነ። እግዚአብሔርም ልመናውን ሰምቶ ሚስቱ ርብቃ መንታ ልጆችን ወለደች። ስማቸውም ያዕቆብ እና ዔሳው ተባለ። ያዕቆብ የስሙ ትርጉም አታላይ ማለት ነው።

አብርሃም ሰራተኛውን ለልጁ ለይስሐቅ ሚስት እንዲፈልግለት ሲያዘው

ዘፍጥረት 25-28

ዔሳው የይስሐቅ የመጀመሪያ ልጅ ነበር። አንድ ቀን ለማደን ወደ ጫካ ሄደ። ሲመለስ በጣም ተርቦ ወደ ቤት መጣ። ወንድሙ ያዕቆብ እቤት ምስር ወጥ ሰርቶ ነበር። ዔሳውም ከሰራው ምግብ እንዲሰጠው ለመነው። ያዕቆብ ግን “የአባታችንን ርስት የማግኘት መብት ከሰጠኸኝ፥ እኔም ከሰራሁት ምስር ወጥ እሰጥሃለሁ” አለው። ዔሳውም በያዕቆብ ሀሳብ ተስማማ።

አባታቸው ይስሐቅ ከመሞቱ በፊት ዔሳውን ሊባርክ ፈለገ። በዚህ ጊዜ ያዕቆብ ዔሳውን በመምሰል ወደ ይስሐቅ ሄዶ ተባረከ። በዚህ መንገድ አታልሎ የዔሳውን በረከት ወሰደበት። ዔሳው ይህንን ባወቀ ጊዜ በጣም ተናደደ። ስለዚህ ያዕቆብ ፈርቶ ከእርሱ ሸሸ። በመንገድም እያለ መሽቶ ስለነበር ተኛ። በዚያም ቦታ እግዚአብሔር በሕልም ተገልጦለት በእውነት እንደሚባርከው ተናገረው።

ዔሳው ወንድሙ ያዕቆብን ከምግቡ ሲለምን

ዘፍጥረት 32፥22-32

ከብዙ ዓመታት በኋላ ያዕቆብ ወደ ትውልድ ሀገሩ ተመለሰ። ከቤተሰቦቹ ጋር በጉዞ ላይ እያለ አንድ ምሽት ትንሽ ራቅ ብሎ ብቻውን ሆነ። በዚያም ቦታ አንድ ሰው ወደ እርሱ መጥቶ ለረጅም ሰዓት ታገሉ።

ያዕቆብ መታገሉን ስላላቆመ፥ ሰውየው ወገቡን በኃይል መታው። በዚህ ምክንያት ያዕቆብ ማንከስ ጀመረ። ከዚህም በኋላ ሰውየው ያዕቆብን “አሁን ልቀቀኝ!” አለው። እርሱ ግን “የምለቅህ ከባረክህኝ ብቻ ነው” ብሎ መለሰለት። በመጨረሻም ሰውየው “ከሰው እና ከእግዚአብሔር ጋር ስለታገልህ፥ አዲስ ስምህን እስራኤል ብዬዋለሁ” አለው። ያዕቆብንም ባረከው።

ያዕቆብ ከእግዚአብሔር ጋር ሲታገል

ዘፍጥረት 37

ያዕቆብ አሥራ ሁለት ወንድ ልጆች ነበሩት። ከእነርሱም መካከል አንዱ ዮሴፍ ነበር። ያዕቆብ ከሌሎች ልጆቹ ይልቅ ዮሴፍን ይወደው ነበር። በዚህም ምክንያት ወንድሞቹ ጠሉት።

አንድ ሌሊት ዮሴፍ ሕልም አየ። በሕልሙ የወንድሞቹ የስንዴ ነዶዎች ለእርሱ የስንዴ ነዶ ሲሰግዱ አየ። ያየውንም ሕልም ለወንድሞቹ ሲነግራቸው “እኛ ላይ ንጉሥ የምትሆን ይመስልሃል?” ብለው ተናደዱበት። ስለዚህ ዮሴፍን ከበፊት ይልቅ ጠሉት።

ዮሴፍ ያየውን ሕልም ለወንድሞቹ ሲነግራቸው

ዘፍጥረት 37

አንድ ቀን የዮሴፍ ወንድሞች የአባታቸውን በጎች እና ፍየሎች ሊጠብቁ ይሄዱ ነበር። አባታቸው ያዕቆብም ለዮሴፍ ምግብ ይዞላቸው እንዲሄድ ወደ እነርሱ ላከው። ወንድሞቹ ግን ገና ከሩቅ ሲያዩት ሊገድሉት ተመካከሩ። ነገር ግን ዮሴፍ እነርሱ ጋር ሲደርስ፥ በሕይወት እያለ ጥልቅ ጉድጓድ ውስጥ ጣሉት። በመጨረሻም ከጉድጓድ አውጥተው በዚያ ለሚያልፉ ነጋዴዎች ሸጡት። ዮሴፍ ከተሸጠ በኋላ፥ ወደ ግብጽ ሀገር ተወሰደ። እዚያም ከግብጽ መሪዎች ለአንዱ ሰራተኛ አደረጉት።

የዮሴፍ ወንድሞች ወደ ቤት ከመመለሳቸው በፊት፥ አንድ ፍየል አረዱ። በደሙም የዮሴፍን ልብስ ቀቡ። ከዚያም ልብሱን ወደ ቤት ይዘው ሄዱ። አባታቸውንም በመዋሸት “የሆነ ቦታ ወድቆ አገኘነው” ብለው ሰጡት። ይህንን ባየ ጊዜ፥ ልጁ ዮሴፍ በአውሬ እንደተገደለ አመነ። ከዚህ የተነሳ ያዕቆብ በጣም አለቀሰ። ለብዙ ዓመታትም በከባድ ሐዘን ኖረ።

ወንድሞቹ ዮሴፍን ለነጋዴዎች ሲሸጡት

ዘፍጥረት 39

ዮሴፍ የግብጽ ሀገር የጦር አለቃ ቤት አስተዳዳሪ ሆነ። ቆንጆም ወጣት ስለነበር፥ የአለቃው ሚስት ከእርሱ ጋር ያልተፈቀደ ነገር ማድረግ ፈለገች። ዮሴፍ ግን “እኔ ባልሽ አይደለሁም። በጌታዬ ላይ ይህንን መጥፎ ነገር ማድረግ አልፈልግም። ይህ ደግሞ በእግዚአብሔር ፊት የተከለከለ ነው” ብሎ መለሰላት።

ሴትዮዋ ግን ደጋግማ ጠየቀችው። በመጨረሻም ዮሴፍ የለበሰውን ልብስ ያዘች። ዮሴፍ ግን ልብሱን ጥሎላት ሸሸ። እርሷም በጣም ተናደደችበት። የቤቷን ጠባቂዎች ጠርታ “መጥፎ ነገር ሊያደርግብኝ ፈልጎ ነበር። ስጮህ ግን፥ ልብሱን ጥሎ ሄደ” ብላ በውሸት ከሰሰችው። ባሏም ይህን በሰማ ጊዜ፥ ዮሴፍን ወደ እስር ቤት አስገባው።

ሴቲቱ ዮሴፍን በያዘችው ጊዜ ልብሱን ትቶ ሲሸሽ

ዘፍጥረት 41

አንድ ሌሊት የግብጽ ንጉሥ ሕልም አየ። ነገር ግን የሕልሙን ትርጉም ሊነግረው የሚችል ማንም ሰው አልተገኘም። በመጨረሻ ንጉሡ ዮሴፍ ሕልም የመተርጎም ስጦታ እንዳለው ሰማ። ስለዚህ ዮሴፍን ከእስር ቤት አስጠርቶ ሕልሙን እንዲተርጉምለት ጠየቀው። ዮሴፍም ንጉሡን “የሕልምን ትርጉም ሊያሳውቅ የሚችለው እግዚአብሔር ብቻ ነው” አለው።

ከዚያም ንጉሡ ያየውን ሕልም ለዮሴፍ እንዲህ ብሎ ነገረው፡ “በመጀመሪያ ሰባት ወፍራም ላሞችን፥ ቀጥሎም ሰባት ቀጫጭን ላሞች አየሁ። ከዚያም በኋላ ቀጭኖቹ ላሞች ወፍራሞቹን ላሞች ሲበሉ አየሁ” አለው። ዮሴፍም እንዲህ ሲል ሕልሙን ተርጎመለት “እግዚአብሔር ይህንን እንድታውቅ ይፈልጋል:- በመጀመሪያ መልካም የእህል ምርት የሚገኝበት ሰባት ዓመታት ይመጣሉ። ከዚያ በኋላ ግን ሰባት አስቸጋሪ የራብ ዓመታት ይመጣሉ። በዚያን ጊዜ የመልካም ዓመታት ሀብት ሁሉ በፍጥነት ይጠፋል። ስለዚህ ንጉሥ ሆይ! በመልካሙ ጊዜ አስቀድመህ መዘጋጀት ይኖርብሃል” አለው።

የግብጽ ንጉሥ ሰባት ወፍራም ላሞች እና ሰባት ቀጫጭን ላሞች በሕልሙ ሲያይ

ዘፍጥረት 41-42

ነጉሡ ዮሴፍ ሕልሙን ከተረጉመለት በኋላ “እግዚአብሔር ከአንተ ጋር ስለሆነ፥ በእህል ምርት ጉዳዮች ሁሉ ላይ ባለ ሥልጣን አድርጌሃለሁ” አለው። ዮሴፍን በሥልጣን የሚበልጠው ንጉሡ ብቻ ነበር። ስለዚህ ዮሴፍ በሰባቱ መልካም ዓመታት የእህል ምርት እንዲሰበሰብ አዘዘ። በመንግሥትም የእህል ማስቀመጫ በሆኑት ጎተራዎች እንዲቀመጥ አስደረገ።

ከዚህ በኋላ ዮሴፍ እንደተናገረው ሰባት የራብ ዓመታት መጡ። በዚያን ጊዜ ከተቀመጠው እህል ሸጦ የግብጽን ሕዝብ ከሞት አዳናቸው።

በረሃቡም ምክንያት ደግሞ የዮሴፍ ወንድሞች እህል ሊገዙ ከከነዓን ሀገር መጡ። ዮሴፍ ባያቸው ጊዜ ወዲያውኑ አወቃቸው። እነርሱ ግን አላወቁትም ነበር። ዮሴፍ በፍፁም ደግነት እህል ሰጣቸው። ሆኖም ግን ወንድማቸው እንደሆነ ገና አልነገራቸውም። እህሉን ከተቀበሉ በኋላ፥ ወደ ሀገራቸው ተመልሰው ሄዱ።

ዮሴፍ እህል ለወንድሞቹ ሲሰጥ

ዘፍጥረት 43-46

የዮሴፍ ወንድሞች እንደገና እህል ለመግዛት ወደ ግብጽ መጡ። በዚህ ጊዜ ዮሴፍ “እኔ ወንድማችሁ ዮሴፍ ነኝ። እግዚአብሔር ሁላችሁንም ከዚህ ራብ ለማትረፍ ፈልጎ እኔን ወደዚህ እንድመጣ አደረገ” አላቸው። ወንድሞቹ ይህንን በሰሙ ጊዜ እጅግ ፈሩ። ዮሴፍ ግን የሰሩበትን ክፉ ስራ ሁሉ ይቅር ስላላቸው፥ አልተቆጣቸውም። እንዲያውም እንደገና ስላያቸው በጣም ተደስቶ ድምፁን ከፍ አድርጎ አለቀሰ።

ከዚያም ዮሴፍ ያዕቆብ እና ቤተሰቡ ወደ ግብጽ መጥተው እንዲኖሩ ጋበዛቸው። እነርሱም ተስማምተው ወደ ግብጽ መጡ። እዚያም በደረሱ ጊዜ ያዕቆብ ልጁ ዮሴፍን በሕይወት ስላገኘው እጅግ ደስ አለው።

ዮሴፍ ወንድሞቹን በማየቱ እጅግ ደስ አለው። ወንድሞቹ ግን ፈሩት።

ዘፍጥረት 48-49

ያዕቆብ በግብጽ ሀገር ሲኖር ሳለ በጣም አረጀ። ከመሞቱ በፊት የዮሴፍን ልጆች ትልቅ በረከት ባረካቸው። ከታላቅ ልጁ ይልቅ ኤፍሬም ለተባለ ታናሽ ልጁ የበለጠ በረከት ሰጠው። ይህንን ለማሳየት ያዕቆብ ሲባርካቸው ቀኝ እጁን አሻግሮ በኤፍሬም ላይ፥ ግራ እጁን ደግሞ በወንድሙ ላይ አደረገ። ሆኖም ግን ሁለቱንም በደንብ ባረካቸው።

ከዚያ በኋላም የራሱን አሥራ ሁለት ወንድ ልጆቹን ጠርቶ እያንዳንዳቸውን ለየብቻቸው ባረካቸው። ወደፊት በእነርሱ ስለሚሆነውም ነገር ነገራቸው።

የያዕቆብ ዘሮች በጊዜ ሂደት አሥራ ሁለቱ የእስራኤል ነገዶች ሆኑ።

ያዕቆብ የዮሴፍን ልጆች እና የራሱን ልጆች ሲባረካቸው